我的天堂城市：兩個香港人，一個扮台仔，一個扮坡妹，齊齊在美國講國語，玩乜？
作者Faceobok Page：金融肉骨茶
財經分析員，Patreon作者，專欄作家，文青。金融或非金融故事。合作或工作安排請email：ivankirsten@gmail.com或Whatsapp 852–5660 5578（不聽來電）
［我的天堂城市］台灣人在紐約追夢嘅嘢。不過，搵姜B演台仔，黃慘盈演坡妹，然後兩個講國語。「完全傷害香港人感情」
1. 鐵粉會「睇咗十次，好感動」。但對我嚟講，套戲睇一次都嫌多。不過，套要講套戲唔掂嘅地方，點都唔會數到姜B。開心啦？
TLDR：兩個香港演員一個扮台仔一個扮坡妹然後去美國講普通話。BTW，介紹返，新加坡護照，去美國係免簽的。
2. 大台有「香港人在北京」，戲院就有呢套「台灣人在紐約」。「我的天堂城市」云云，就係紐約。講台灣人在紐約追夢的「挑戰」，最後發現「紐約不是天堂」，但都係要活下去之類。熟口熟面，但fine
3. 套戲人物不多，三個故事，近乎全無關連，個「關連」十分夾硬，不如唔好整。姜B個故事放在中間，聽聞啲姜糖睇完佢呢部份就起身走（我嗰場唔覺有） — 「尊唔尊重電影」呢啲咁左膠嘅問題就不講了。不過呢，既然只係睇佢，就不如連第一部份都唔好睇啦，有一個去睇咗數住姜B幾多分鐘出場咪得。咁就再慳返啲時間（姜B呢部份應該三個故事中最短），甚至可以去多幾場，1院睇完去2院，兩個鐘睇三次，刷下票房
4. 演員方面，冇乜好批評。比較大問題，係選材，編導（同一人），同埋拎funding限制咗創作。合拍片嘅嘢。
＝＝＝＝＝＝＝＝＝＝＝＝＝＝＝＝
5. 台灣人在紐約追夢，甚至有啲台灣媒題講到New Yorker — 但come on，三個故事，兩段係留學生咋，唔係好夠說服力。維基百科話， 「聚焦全球關注的移民問題」，明顯唔係嗰回事。
6. 但當然了，係編導俞聖儀夫子自道，在美台女咁話。套戲一估就估到女導演，而亦好易估到第一個故事部份係佢個人經歷。呢套係佢第一套長片，好多導演處子作都係自己故事。不過佢呢套就認真麻麻。
7. 套戲嚟自佢之前嘅個人短片，都有唔少導演係咁，但印象中短片加長，效果未必好。
8. 我睇套戲時，唔明做乜要拍紐約，唔係好啦更，你放個故事去第度都得。同樣地，做乜補一段在台北？冇乜必要。仲有，做乜姜B變咗台灣留學生？仲要同黃慘盈（扮坡妹！）兩個講國語？
9. 原來因為導演自己在紐約，仲有就係funding。第一套長片，錢何來？首先係紐約市女導演基金會科水，條件一定要係女導演，同埋要在紐約 — 咁就明做乜要在紐約，明顯係個故事遷就funding．另外，拎埋台北市funding，可能因為咁所以要在台北拍一段仔，然後姜B變咗台灣留學生，突兀到一個點（又，港仔扮台仔，港女扮坡妹？算唔算「文化挪用」？）
10. 本來，拎阿公錢，就唔使點理票房。不過中途MakerVille又踩入去，所以就有姜B了。
11. 於是你見到，funding就令到套戲有啲不倫不類，正係以前啲人批評「中港合拍片」嘅問題。
＝＝＝＝＝＝＝＝＝＝＝＝＝＝
12. 三個故事，第一個算比較扎實，因為正是導演自述。不過，感覺都係有啲矯情，無病呻吟。美國女留學生，失戀，遲遲唔寫論文，幫人補習又畀人炒咗。有幾「追夢破滅」，有幾大不了呢？「我嗰時在英國都係咁！」。話去做翻譯，然後見盡啲華人苦況，女人畀地鐵夾頭，女人畀老公性虐呀，對家啲律師又留難呀咁。
13. 最正係話女主角翻譯時，受害人話老公放波子在佢下面（彈珠，唔係車），呀女主角唔小心笑咗出嚟 — 結果畀人炒 — 夠晒唔專業，又突兀，我就真係睇到笑出嚟。
14. 第三個故事，有啲狗血，但我覺得拍得最好，比較深刻，而且真係講到「在美台灣移民」嘅故事。老公就移民第二代，家教嚴，兩公婆個仔，就亞氏保加（是但），好難教，又會打老母，外父又唔體諒，老公又掛住做嘢咁。
15. 同另外兩個故事一樣，我覺得導演拍得個世界太美好了。個老公就只係「掛住做嘢」，不嫖不賭冇欠債唔打老婆唔吸毒冇外遇唔掟嘢唔爆粗，外父又只係講幾句，聽到真相即時就「體諒」，太美好了。
16. 雖然呢，我十分懷疑，一個九歲嘅小朋友，有冇可能打到個成年人老母全無還拖之力。我九歲嗰時應該唔得，「可能美國啲奶水好啦」
17. 冇錯，個仔係「病」，大家都唔想。但對住個咁嘅頂心杉，仲會打老母打到成身傷嘅，老母心力交瘁，忽然間又「大愛」，「你只係病啫」，全無掙扎，就太唔真實了。
18. 同樣係處理「有問題」嘅仔，可以睇下《我兒子是惡魔》（We need to talk about Kevin），老母就演繹到複雜嘅感情（OK，我知亞氏保加唔係反社會人格唔係返去做低晒啲同學）
＝＝＝＝＝＝＝＝＝＝＝＝＝
19. 本人最不能接受，正是第二段嘅故事，姜B同黃慘盈嗰段，真係唔關演員事。
20. 情節，係冇乜嘅，只係兩個留學生在紐約撻著搞上，然後條女考唔上，被迫分離。
21. 你我話「大香港膠」都好，總好過「大台灣膠」。我完全不能接受，姜B居然演台仔留學生，一句廣東都話冇講過，都算。黃慘盈就演「新加坡留學生」。做乜撚？
22. 姜B同黃慘盈，兩個講國語，做乜鳩？唔知係滿足導演自己，定滿足台灣funding，定係要整到套戲係「台灣人在美國追夢」 — 但又要貪MakerVille舊錢。一係你就搵埋台仔台妹演兩個角色，一係你就索性成套只拍姜B黃慘盈，一係就照安排角色係香港人囉，台灣片唔提得香港人？
23. 我冇話香港演員一定要演返香港人（雖然近年乜都講「文化挪用」），但，到底個用意何在？我當你為咗講咩「台灣人在紐約追夢」嘅主題，但又因為拎咗香港錢要用香港演員，所以要姜B做台仔 — 咁黃慘盈個角色又點解要係坡妹呢？佢係香港人都唔會影響「台灣人在紐約追夢」喎！咁到底係咪台灣戲唔提得香港人？定滿足啲台仔上坡妹嘅文化自high？
24. 當然了，個故事最後講坡妹申請唔到入學，姜B又要實習，去唔到坡國，被迫分手…….
25. 我DKLM，新加坡護照去台灣免簽證架。唔好咁自大啦台灣人。
26. Similarly，姜B畀個黑人呃咗40美金 — 「會唔會太睇少人地？」「呢度就真係唔好設定做香港人啦」
＝＝＝＝＝＝＝＝＝＝＝＝
27. 同樣係女導演，同樣係處女作，同樣係「旅美亞洲女導演」自白，同樣講異鄉人。之前寫嘅《從前的我們》（Past Lives），就真係明顯較好，拍埋一齊高下立見。從前的我們》就只拍兩男一女，唔使太多情節，呢啲就係「講故事的技巧」了。BTW，國泰航機有得睇呢套《從前的我們》，我又睇多次。
已經1800人 訂Ivan Patreon！（bityl.co/9CyV） comment 都有link
=====
Ivan金融Patreon ，比別人知得多。subscribe now（bityl.co/9CyV） ，可以睇返晒以前嘅文。金融嘢，港美市場評點，月費100港紙有找． 畀年費仲有85折
====
合作或工作安排請PM 或email ivankirsten@gmail.com
